Vetaksident në Gjakovë, vdes një person
Një vetaksident trafiku ka ndodhur sot në fshatin Vogovë të Gjakovës, si pasojë e të cilit shoferi 54-vjeçar, shtetas i Shqipërisë, ka ndërruar jetë.
Këtë e konfirmoi zëdhënësi i Policisë për rajonin e Gjakovës, Sheremet Elezaj, i cili tha se aksidenti ka ndodhur rreth orës 19:50 .
“Rreth orës 19:50 kemi pranuar informatë për aksident trafiku në fshatin Vogovë- Gjakovë. Policia ka dalë në vend-ngjarje ku ngasësi i një automjeti dyshohet se ka humbur kontrollin mbi automjetin dhe është vet-aksidentuar. Për pasojë shoferi i automjetit (mashkull, shtetas i Republikës së Shqipërisë, i lindur në vitin 1969) ka humbur jetën. Lidhur me rastin është njoftuar prokurori i shtetit si dhe janë duke u ndërmarrë veprimet e nevojshme hetimore”, tha ai për Insajderin.
