Vdes një i burgosur 31-vjeçar në Spitalin e Pejës

Shërbimi Korrektues i Kosovës (SHKK) ka bërë të ditur se sot në Spitalin e Pejës ka vdekur një i burgosur.

Viktima është 31-vjeçari me inicialet M.K.

Ai është pranuar në Qendrën e Paraburgimit në Pejë me datë 14.04.2023 dhe se nuk ka qenë më parë i sëmurë.

“Sot gjatë ditës i është përkeqësuar gjendja dhe menjëherë nën shoqërim të stafit duke e reanimuar është dërguar në Spitalin Rajonal të Pejës, ku pas përpjekjeve për reanimacion nuk kanë pasur sukses, ku dhe është konstatuar vdekja e tij”, thuhet në komunikatën për media.

Siç njofton SHKK, autopsia do të konstatojë shkakun e vdekjes.