Vdekja e dyshimtë e 34 vjeçares, flasin nga Venus për rastin tragjik
Një ngjarje e rëndë ka ndodhur sot në komunën e Graçanicës, ku një grua është gjetur pa shenja jete
Viktima është Artila Kameri, 34-vjeçare.
Burimet e Gazetës Sinjali brenda Prokurorisë bëjnë me dije se sipas informacioneve të para, Kameri dyshohet se ka kërcyer nga kati i dytë i hotelit ‘Venus’ në magjistralen Prishtinë – Lipjan.
Gazeta Sinjali ka kontaktuar Hotel Venus për të kuptuar më shumë rreth ngjarjes tragjike. Stafi i Venus ka thënë se nuk ka informaicone mbi rastin.
“Për gjithçka flisni me Policinë. Gjithçka ka përfunduar këtu”.
Ndryshe, ekipi mjekësor i Emergjencës, menjëherë pasi ka marrë informatën ka dalë në vendin e ngjarjes, ku pas ekzaminimeve për shenjat vitale, mjeku ka konstatuar se viktima ka ndërruar jetë.
Në vendin e ngjarjes kanë dalë edhe njësitë policore të cilët kanë kryer ekzaminimet e nevojshme që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Hetim i vdekjes’ dhe trupi i pajetë i viktimës është dërguar në Institutin e Mjekësisë Ligjore për obduksion.
