Tërheqja e Trustit, qytetarët nesër dalin në protestë para qeverisë / Kjo është thirrja për deputetët!

Gjatë ditës së shtunë (nesër) qytetarët e Kosovës pritet që të mblidhen në Prishtinë, ku do të mbajnë protestë duke kërkuar tërheqjen e mjeteve të tyre nga Trusti.

Kështu ka bërë të ditur iniciatori i kësaj çështje, Adnan Jashari, në grupin në Facebook “Pro tërheqjes 30% të Trustit”.

Jashari në grup ka njoftuar se protesta do të mbahet para objektit të Qeverisë së Kosovës në ora 12:00, ai gjithashtu ka pyetur qytetarët se a janë gati për nesër.

“Nesër le të jehojë sheshi! Unë nënshkrova për tërheqje, tash koha për votim! Përfille nënshkrimin tim deputet, zgjedhjet vinë prapë! Kriza është tani, deputetë votojeni trustin! Djersa jonë, kursimet tona! Unë votova ty, ti votoje trustin!”, ka shkruar Jashari në mbishkrimin e një fotografie që është thirrje për protestë.