Politikani serb: Vuçiq po provokon luftë në Kosovë, situata në Veri skenar i BIA-së dhe FSB-së
Isidor Stefanoviq nga Nisma Liberale Demokratike në Vrajë ka akuzuar shërbimin sekret serb dhe rus se qëndrojnë prapa trazirave në Veri të Kosovës.
“E gjitha është skenar i BIA-së dhe FSB-së ruse” ka thënë Stefanoviq.
Stefanoviq thotë se Vuçiq po provokon luftë në Kosovë.
“Këta ( serbët e dhunshëm në veri) janë po të njëjtit që ushtruan dhunë kundër popullit në Beograd. Vuçiq po provokon luftë në Kosovë” ka shtuar Stefanoviq.
Në media kanë qarkulluar informacione se pjesë e grupeve të dhunshme kriminale në Veri që shkaktuan dhunë, janë edhe serb të lidhur me grupin kriminal rus Wagner.
