“Përhair, e gëzofshit”/ PSD i hedh Besnik Bislimit tortë e qumësht për “Zajednicën” – VIDEO

Aktivistët e Partisë Social Demokrate kanë realizuar sot një aksion simbolik kundër zëvendëskryeministrit dhe kryenegociatorit në bisedimet me Serbinë, Besnik Bislimi, raporton Gazeta Sinjali.

Disa aktivistë i kanë hedhur atij tortë dhe ‘milkshake’ për t’ia ‘uruar’ themelimin e Asociacionit të komunave me shumicë serbe në Kosovë, që ndryshe njihet nga kundërshtuesit e saj si ‘Zajednica’.

“Tortë e milkshake për “Zajednicën”. E gëzofshin këta që e pranuan! Kurse ne, qytetarët e Kosovës, do ta kundërshtojmë atë e të kërkojmë masivisht dorëheqjen e tyre”, thuhet në postimin e PSD-së.

https://fb.watch/jpEwPCNkKt/?mibextid=qC1gEa

Po ashtu të njëjtit thonë se për këtë arsye do të protestohet të shtunën, me 25 mars, në orën 14:00.