Përfshihet nga zjarri një ndërtesë në Pejë, katër persona përfundojnë në spital – PAMJE

Një ndërtesë kolektive në qytetin e Pejës është përfshirë nga zjarri mbrëmjen e sotme, raporton Gazeta Sinjali.

Sipas zëdhënësit të Policisë së Kosovës për Rajonin e Pejës, Fadil Gashi, katër persona kanë kërkuar ndihmë mjekësore si pasojë e problemeve shëndetësore nga tymi i madh.

“Rreth orës 18:00 është raportuar për një zjarr ne një banesë. Katër persona si pasoje e tymit kane marre ndihme mjekësore, me pas janë liruar”, ka thënë Gashi.

Ndërkohë janë publikuar pamje nga vendi i ngjarjes, ku shihet se banorët, urgjenca dhe zjarrfikësit janë mobilizuar.