“Një person i armatosur ua ka kërkuar të gjitha gjërat me vlerë”, Policia jep detaje rreth vrasjes së gruas në Prishtinë

Një vrasje e rëndë ndodhi mbrëmë sonte në Prishtinë, më saktësisht në rrugën “Dalip Alshiqi” ku si pasojë e të shtënave me armë ka humbur jetën një grua, shkruan Insajderi.

Sipas raportit të policisë, lidhur me rastin është intervistuar bashkëshorti i viktimës që ishte dëshmitar i rastit.

Sipas dëshmitarit, në këtë rast Naim Murselit, person i panjohur i armatosur i ka ndaluar dhe ua ka kërkuar të gjitha gjërat me vlerë. Më pas grabitësi ka qëlluar për vdekje gruan e tij.

Nga policia rasti është hapur “Grabitje me pasojë të vrasjes”.

Me urdhër të prokurorit trupi i pajetë i viktimës është dërguar në IML për obduksion.

“Rr. Dlip Alshiq, Prishtinë 29.11.2023 – 020:26. Raportohet se viktima femër kosovare, derisa ka qenë me bashkëshortin dhe dy fëmijët e tyre me veturë, një person i panjohur i armatosur i ka ndaluar dhe ua ka kërkuar të gjitha gjërat me vlerë dhe është qëlluar me armë zjarri për vdekje. Lidhur me rastin është intervistuar bashkëshorti i saj, dëshmitari mashkull kosovar i cili kishte arritur të largohet nga vetura me dy fëmijët e tyre. Njësit relevante policore, prokurori dhe ndihma e shpejtë urgjente kanë dalë në vendin e ngjarjes, nga mjeku është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion”, thuhet në njoftim