Ky është punëtori që u rrah nga djali i pronarit të “Meka Pro”

Luftar Piraj, djali i pronarit të “Meka Pro” nga Prizreni, Ilir Piraj, është arrestuar të martën mbrëma pasi dyshohet se ka rrahur një punëtor në kompaninë që menaxhohet nga vetë ai.

24-vjeçari i cili është menaxher në njërën prej dy kompanive në Prizren dhe Dragash, dyshohet se ka sulmuar fizikisht punëtorin e tij.

Kësisoj, viktima që ka pësuar lëndime trupore, kishte vendosur ta denoncojë personalisht rastin që ende nuk dihet se për çfarë arsye ka ndodhur.

Pas raportimit nga viktima, Policia në bashkëpunim me Prokurorin e Shtetit kanë marrë masat e nevojshme dhe kanë intervistuar të dyshuarin për “lëndim të lehtë trupor”.