Ky është i riu nga Kosova që humbi jetën tragjikisht në Zvicër (FOTO)

Sipas mediave zvicrane, 30-vjeçari nga Topanica e Kamenicës, Jetmir Morina ka humbur jetën tragjikisht mbëmjen e së mërkurës, raporton Gazeta Sinjali.

I ndjeri po shkonte t’i oftronte ndihmë disa personave që kishin bërë aksident dhe në momentin që doli nga vetura Morina u godit nga një veturë, e cila kishte humbur kontrollin në autostradë, ku si pasojë e plagëve të rënda humbi jetën.

Oda e Stomatologëve të Kosovës ka bërë të ditur se Jetmiri ishte kolegu i tyre, me ç’rast i kanë shprehur ngushëllime familjes e miqëve të tij.

“Në këto momente të vështira për familjen Morina, Oda e Stomatologëve të Kosovës, në emër të të gjithë kolegëve stomatolog shpreh ngushëllimet e saja të sinqerta familjes, të afërmëve, miqëve dhe gjithë atyre që njohën kolegun Morina”, shkruhet ndër të tjera në reagimin e tyre.

Kosovari në Zvicër goditet për vdekje pasi kishte ndaluar të ndihmonte në një aksident
NjoftimMe pikëllim të thellë njoftojmë për ndarjen e papritur nga jeta në moshë të re në aksident trafiku të kolegut…

Gjithashtu, kanë reaguar edhe miqët e tij të cilët kanë shprehur trishtimin për humbjen e shokut të tyre.