Kush është Endrit Nika, i akuzuari për vrasjen e të dashurës argjentinase në hotelin e Fushë Kosovës

Mediat spanjolle vazhdojnë të raportojnë për mënyrën e vdekjes së argjentinases Maria Clara Urdangaray 27 vjeçe, e cila dyshohet se vra nga partneri i saj kosovar javën e kaluar në Fushë Kosovë.

Vajza ndodhej me pushime në Kosovë me partnerin e saj kur humbi jetën pasi u rrëzua nga kati i gjashtë i një hoteli.

Fillimisht u raportua për një rënie nga ballkoni, por më vonë doli krejt diçka tjetër. Të premten policia e Kosovës arrestoi partnerin e viktimës, Endrit Nika, 31-vjeçari kosovar me dokumente zvicerane.

E gjithë ngjarja ka ndodhur në orët e para të së martës së kaluar në një ndërtesë në Fushë Kosovë, ku María Clara ndante dhomën me Endrit Nikën.

Dyshohet se mes tyre ka pasur një debat para rënies së gruas së re.

Edhe pse María Clara u transferua me shpejtësi në Qendrën Klinike të Universitetit të Kosovës, ajo nuk arriti të mbijetojë për shkak të lëndimeve të rënda që la rënia.

“Është femicid”

Si nëna ashtu edhe babai i viktimës e morën vesh se çfarë ndodhi kur një shoqe e María Clara-s që jeton në Spanjë e pa lajmin në rrjetet sociale dhe u tha atyre. Po atë ditë, prindërit e saj raportuan se djali me të cilin ajo jetonte, e kishte vrarë.

“Vajza ime kishte folur me mamanë e saj dhe e kishte përshkruar të dashurin si një femëror dhe shumë xheloz. Është një femicide, jam i bindur,” tha Facundo Urdangaray, babai i María Clara.

“Ata u grindën pas festës së vëllait, ai do të kishte rënë në mendje nga droga dhe alkooli dhe do ta shtynte nga ballkoni. Ishte shumë e rëndë dhe foshnja ime vdiq në spital.”

Të premten policia ka urdhëruar arrestimin e Nikës.

Kush është i dyshuari për vrasjen e Maria Klarës?

Endrit Nika, arkitekt, është 31 vjeç dhe në rrjetet e tij sociale ishte adhurues i futbollit -sidomos i Barcelonës-, i armëve dhe i jetës së mirë. Burri ndau disa foto gjatë netëve jashtë me miqtë dhe mund të shihet në disa nga postimet e tij duke udhëtuar nëpër Evropë dhe në makina

Maria Clara, e cila kishte jetuar në Evropë për nëntë muaj, e takoi atë në një udhëtim dhe ata shpejt u transferuan në Zvicër.

“Ajo na dërgoi video të dasmës në të cilën ishte. Ajo dukej mirë, e lumtur,” tha Facundo Urdangaray, babai i gruas së vrarë.

A ishin fejuar?

Në orët e fundit tërhoqi vëmendjen përshkrimi kurioz i shpërndarë si nga i dyshuari kryesor për vrasje, po ashtu edhe nga Klara në rrjetet e tyre sociale.

Si Endriti ashtu edhe Klara kishin në përshkrimet e tyre një unazë fejese me emrin dhe inicialin e partnerit.

E gazeta zvicerane Blick shkruan se Endriti donte që në dasmën e vëllait ta kishte edhe të dashurën me të cilën ishte lidhur për më shumë se 4 muaj. Për këtë qëllim, Endrit Nika nga Drenasi, sipas mediave zvicerane, e kishe futur të dashurën argjentinase ilegalisht në Kosovë duke e fshehur në bagazhin e veturës.

Cifti ishin dehur në një festë që ishte mbajtur para dasmës. Aty dyshohet të jenë grindur keq, duke e goditur edhe njëri-tjetrin. Madje, raportohet se edhe i dyshuari ka pasur disa lëndime në gjoks.

“Të dy thuhet se kanë qenë të dehur në festën para dasmës, sipas burimeve familjare. Kur janë grindur, dyshohet se kanë sulmuar njëri-tjetrin. Burri ka pësuar lëndime edhe në gjoks”, thuhet në raportimin e mediave zvicerane.

“Pas katër muajsh lidhje, çifti kanë udhëtuar së bashku drejt Kosovës, ku do të martohej vëllai i të arrestuarit. I riu mësohet se e kishte futur ilegalisht të dashurën e tij në Kosovë, duke e fshehur në bagazh”, thuhet në raportimet e mediave zvicerane.