Kryetari i Leposaviqit mbetet i bllokuar, do ta kalojë natën brenda objektit të komunës

Ai ka filluar punën që nga ora 06:30 e mëngjesit dhe akoma është duke qëndruar aty.

Siç merr vesh klankosova.tv ai gjendet brenda me vëllanë e tij dhe do ta kalojë natën aty, në pamundësi të largohet për shkak të situatës së krijuar.

Situata në Veri, flasin nga Këshilli amerikan, kërkojnë tërheqjen e Kosovës
Ndryshe, gjatë ditës në Leposaviq kanë protestuar serbët që nga orët e para të mëngjesit, teksa më vonë një pjesë e tyre është shpërndarë.

Njëjtë kanë protestuar edhe në komunën e Zubin Potokut dhe në Zveçan, ku në këtë të fundit pati tensione më të mëdha, pasi mbetën të lënduar rreth 25 trupa të KFOR-it.