Konflikt mes çiftit: Gruaja e çon burrin në Polici, thotë se i kërkoi t’ia hap derën e banjës

Korrespodenti11 Maj, 2023 – 13:17
Evidentimi ditor i rasteve të reja të dhunës në familjes, për fat të keq është shndërruar në një rutinë të pandashme, pasi që çdo ditë e më shumë raportohen me dhjetëra raste të dhunës në familje, raporton Gazeta Sinjali.

Ndihmën e Policisë e ka kërkuar për të disatën herë edhe dje një grua nga fshati Kërvasari i Malishevës.

Burimet e Gazetës Sinjali kanë bërë me dije se 39-vjeçarja edhe më parë kishte denoncuar bashkëshortin e saj për dhunë. Bazuar në dëshminë e saj, rasti i fundit ka ndodhur gjatë kohës që ajo ishte në banjë, e që bashkëshorti i kishte kërkuar me forcë që t’ia hap derën, por ajo nuk i është bindur.

Sipas saj, pas këtij rasti, i shoqi është larguar nga shtëpia dhe nuk dihet gjë për vendndodhjen e tij.

Me urdhër të prokurorit, rasti është cilësuar ‘Dhunë në familje’, ndërsa posa të kapet i dyshuari, do të dërgohet në mbajtje.