Konfiskohet sasi e madhe armatimi, 30 vetura dhe pasuri të paluajtshme rreth 20 milionë euro – tre të arrestuar

Prokuroria Speciale ka njoftuar se është shënjestruar një rasti i ri nën dyshimin për shpëlarje parash.

Rasti është shënjestruar për “Shpëlarja e parave” dhe vepra të tjera penale.

Sipas njoftimit të Prokurorisë, në kuadër të hetimeve për këtë rast janë sekuestruar dhe konfiskuar sasi e madhe e armatimit të llojit të ndryshëm, rreth tridhjetë vetura, si dhe pasuri të paluajtshme rreth njëzet milionë euro.

Për ketë rast për momentin janë të ndaluar tre persona dhe të njëjtit sipas vendimit të gjykatës janë nën masën e paraburgimit.

Njoftimi i plotë:

Kryeprokurori i Prokurorisë Speciale të Republikës së Kosovës (PSRK), Blerim Isufaj, ka mbajtur sot takimin e radhës me ekipin e përbashkët për përzgjedhjen dhe shenjëstrimin e krimeve të rënda, ku kanë shenjëstruar një (1) rast të ri.

Prokuroria Speciale njofton se rasti është shenjëstruar për “Shpëlarja e parave”, si dhe vepra të tjera penale.

Gjithashtu, ju njoftojmë se në kuadër të hetimeve janë sekuestruar dhe konfiskuar sasi e madhe e armatimit të llojit të ndryshëm, rreth tridhjetë (30) vetura, si dhe pasuri të paluajtshme rreth njëzet milion (20.000.000) euro.

Në ketë rast për momentin janë të ndaluar tre (3) persona dhe të njëjtit sipas vendimit të gjykatës janë nën masën e paraburgimit. /Reporteri.net/