I dha fund fejesës, vëllai i nuses në Prizren e rrah ish-dhëndrin e bën llom

Zënkat e familjes së gruas me dhëndrin, janë të shpeshta në vendin tonë. Madje shpesh herë ato nuk marrin fund, as atëherë kur çifti vendos të ndahet. Një rast i tillë ka ndodhur mbrëmë në fshatin Planjanë të Prizrenit, raporton Gazeta Sinjali.

Një person dyshohet se në shenjë revolte të prishjes së fejesës me motrën e tij, ka sulmuar fizikisht ish-dhëndrin të cilit i ka shkaktuar lëndime trupore.

Sinjali mëson se e gjithë ngjarja ka ndodhur në një lokal të fshatit, ku pas kërcënimeve verbale situata ka eskaluar në dhunë fizike.

Viktima ka kërkuar ndihmë mjekësore në spital, ndërkohë që rastin e ka denoncuar edhe në Polici.

Si rezultat i denoncimit, njësitë policore janë vënë në kërkim të të dyshuarit, mirëpo i njëjti nuk është kapur ende.

Me urdhër të prokurorit, rasti është iniciuar ‘Lëndim i lehtë trupor’, ndërsa veprimet tjera ligjore do merren posa të arrestohet i dyshuari.