Hajnat ia mësyjnë restorantit ‘Grand Antika’ në Pejë, vjedhin kasafortën me mbi 25 mijë euro
Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, banesa e në biznese të ndryshme që po shkaktojnë pasiguri por edhe humbje të mëdha. Vjedhjet shpesh kryen nga grupe të caktuara, që arrijnë të kapin para e gjësende me vlerë. Cak i hajnave së fundmi ka qenë edhe restoranti ‘Grand Antika’ në Pejë, raporton Gazeta Sinjali.
Hajnat po dyshet se kanë arritur të vjedhin kasafortën me mbi 25 mijë euro para të gatshme dhe një vlerë ta parave në valutën frang. Vjedhja po dyshohet se është kryer gjatë ditës së djeshme dhe është denoncuar nga pronari i restorantit.
Burimet nga Prokuroria kanë bërë me dije se viktima ra raportuar në Polici posa e ka vërejtur që mungon kasaforta e ka denoncuar rastin dhe nuk ka dyshime te ndonjë person apo persona të caktuar që mund ta kenë kryer vjedhjen.
Si rezultat i denoncimit, njësitë policore kanë dalë në vendin e ngjarjes ku kanë kryer ekzaminimet e nevojshme që ndihmojnë në zbardhjen e rrethanave të rastit dhe në identifikimin e personave të dyshuar.
Me urdhër të Prokurorit të Shtetit, rasti është iniciuar ‘Vjedhje e rëndë’, ndërsa veprimet tjera ligjore do merren posa të kapen të dyshuarit.
