E rëndë: Ky është burri që vdiq nga lifti i veturës (Emri/ Foto)
Indeksonline raportoi më herët se një person ka pësuar me fatalitet ditën e sotme, pasi vinçi i veturës kishe dështuar, duke i rënë përmbi.
Rasti në fjalë ka ndodhur në Isniq të Deçanit.
Burime të Indeksonline pohojnë se viktima në fjalë është Adem Tahirsylaj.
Ndërkohë, rastin e ka konfirmuar edhe zëdhënësi i Policisë për Rajonin e Pejës, Fadil Gashi.
“Rreth orës 17:00, policia është njoftuar se një qytetar i fshatit Isniq, gjersa ka qenë duke punuar diçka në veturë të cilën e ka ngritur me vinç, si duket vinçi ka rënë dhe e ka zënë vetura”.
“Menjëherë është njoftuar emergjenca e QKMF-së së Deçanit. Ata kanë dalë në vendin e ngjarjes, mjeku kujdestar e ka konstatuar vdekjen e viktimës. Në vend të ngjarjes kanë dalë edhe njësitë policore kompetente. Më urdhër të prokurorit trupi i pajetë është dërguar për obduksion në IML” ka deklaruar Gashi.
