E dhimbshme: Infermieri lëshon punën në QKMF të Skenderajt, merr rrugën për Gjermani!
Ikja e profesionistëve nga Kosova e specifikisht nga Komuna e Skenderajt po vazhdon në numër të madh drejt vendeve perendimore, shkruan portali rajoni.org.
Një gje e tille ndodhi edhe me infemrierin e QKMF’së në Skenderaj, Valmir Ahmeti, i cila ka lënë punën dhe ka marrë rrugën për në Gjermani.
Lajmin për ikjen e tij e ka dhënë vetë Ahmeti përmës rrjetit social “facebook”.
Postimi i plotë:
Shumica e tyre po e lënë vendin për një të ardhme më të mirë. Mungesa e qytetarëve, e sidomos e punëtorëve në vendin tonë ka filluar të vërehet mjaft shumë, pasi shumë biznese po shpallin konkurse pune.
Pas gati shtatë vitesh pune në Shërbimin e Urgjencës në QKMF Skenderaj, kam dorëzuar kërkesën për dorëheqje nga pozita e infermierit.
Me këtë rast, dua të shpreh mirënjohjen time të thellë për gjithë stafin e mrekullueshëm të këtij institucioni, për bashkëpunimin dhe përvojën e çmuar që kam fituar prej secilit gjatë këtyre viteve. Një falënderim i veçantë shkon për gjithë mjekët, infermierët dhe gjithë stafin e Urgjencës, veçanërisht për dy miqtë e mi, Nexhat Ahmeti dhe Jeton Gashi, me të cilët kam punuar për shumë vite radhazi. Puna përkrah tyre, si profesionistë me mbi dy dekada përvojë në këtë institucion, ka qenë një mundësi e jashtëzakonshme për të mësuar dhe për t’u rritur profesionalisht.
Gjithashtu, dua të falënderoj me respekt të gjithë qytetarët e Komunës së Skenderajt për qytetarinë e tyre të treguar ndër vite. Përkundër sfidave dhe vështirësive shëndetësore që mund të kenë kaluar, ata gjithmonë kanë shfaqur mirëkuptim dhe mirënjohje për shërbimin që u është ofruar.
Gjatë gjithë kësaj periudhe, jam përpjekur të jap më të mirën nga vetja, si në aspektin profesional ashtu edhe në atë njerëzor, duke shpresuar se kam arritur, sado pak, të jem në shërbim të atyre që kishin nevojë për ndihmë.
Me gjithë zemër, ju uroj çdo të mirë secilit prej kolegëve të QKMF Skenderaj dhe çdo qytetari të këtij vendi të bekuar!
Me respekt,
Valmiri
