Dy persona kapen keq dhe e bëjnë ‘llom’ një 20-vjeçar, dërgohet me urgjencë në spital

Krcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete

Një zënkë e para disa ditëve u bë sebep që një 20-vjeçar në Kaçanik të përfundojë në spital. Kjo pasi që mbrëmë ai dyshohet se u rrah nga dy persona.

Burimet e Gazetës Sinjali brenda Emergjencës së Qendrës Kryesore të Mjekësisë Familjare në Kaçanik, kanë bërë me dije se i riu është dërguar atje me lëndime të cilat dyshohet se i ishin shkaktuar nga goditjet me mjete të forta.

Pas dhënies së ndihmës së parë, viktima është transferuar në Spitalin e Përgjithshëm në Ferizaj për trajtim të mëtutjeshëm mjekësor, ndërkohë që lidhur me rastin është njoftuar edhe Policia.

Njësitë policore kanë dalë në vendin e ngjarjes, ku kanë kryer ekzaminimet e nevojshme që ndihmojnë në zbardhjen e rrethanave të rastit.

Dy të dyshuarit janë paraqitur në stacion policor dhe janë intervistuar lidhur me atë që ka ndodhur.

Rasti është iniciuar ‘Lëndim i lehtë trupor’ dhe me urdhër të prokurorit, njëri nga ta është dërguar në mbajtje.