Del foto/ Ky është personi që dyshohet të ketë dhunuar 10 vjeçaren në Gjakovë
Një vajzë e mitur ka raportur dje në Polici se ishte abuzuar dhe dhunuar nga persona të panjohur në lokacione të ndryshme.
Zëdhënësi i Policisë për Rajonin e Gjakovës, Sheremet Elezaj, ka bërë të ditur se lidhur me rastin janë arrestuar dy persona, një grua dhe një burrë, mbi dyshimin se janë të përfshirë në rast.
Sipas faqes lokale “Vrojtuesit e qytetit Gjakovë”, i dyshuari për dhunimin e të miturës është Ylli Buqinca. Të njëjtit kanë publikuar edhe fotografinë e të dyshuarit.
Të dyshuarit janë ndalur në mbajtje si dhe ndaj tyre është iniciuar rast për “Keqtrajtim apo braktisje e fëmijës” dhe “Dhunim”.
“Me datën 13.10.2023 rreth orës 09:00 viktima, femër (fëmijë), gjatë dëgjimit policor në prezencën e akterëve të nevojshëm ka treguar se ishte abuzuar dhe dhunuar nga persona të panjohur në lokacione të ndryshme.
Lidhur me rastin janë arrestuar dy persona, një femër dhe një mashkull të moshës madhore, mbi dyshimin se janë të përfshirë në rast. Veprimet e nevojshme hetimore janë kryer në koordinim me prokurorin e shtetit, me vendimin e të cilit të dyshuarit janë ndalur në mbajtje si dhe është iniciuar rast “Keqtrajtim apo braktisje e fëmijës” dhe “Dhunim”, ka deklaruar Elezaj.
