Arrestohen 3 persona në Mitrovicë, dyshohen për vjedhje të identitetit
Tre persona kanë rënë në prangat e Policisë së Kosovës sot në Mitrovicë, pasi dyshohen për vjedhje të identitetit, legalizim i përmbajtjes së rreme dhe falsifikim.
Kështu ka mësuar Gazeta Online Veriu.info nga burimet e saj brenda Prokurorisë.
Dy nga personat janë nga Mitrovica, kurse njëri shtetas shqiptar.
Këta persona dyshohet se kanë tentuar të pajisen me letërnjoftime të personave tjerë.
Personi i katërt është lëshuar në procedurë të rregullt.
