Ambasada e Kosovës në Turqi del me njoftim pas sulmit vdekjeprurës

Ambasada e Kosovës në Turqia ka shprehur ngushëllime për viktimat që humbën jetën në sulmin vdekjeprurës në Taksim të Stambollit. Në reagim, Ambasada tha se përfaqësitë diplomatike të Kosovës në Turqi “janë në komunikim të ngushtë me autoritetet vendore turke lidhur me zhvillimet e fundit”.

“Luten shtetasit tanë të cilët gjenden në Stamboll që në rast nevoje të kontaktojnë në numrin emergjent të Konsullatës së Përgjithshme të Republikës së Kosovës në Stamboll +90 (531) 105 63 91”, thuhet në njoftim.

Të paktën gjashtë persona humbën jetën të dielën në një sulm vdekjeprurës në Stamboll.

Presidenti turk, Recep Tayyip Erdogan, ka njoftuar se përveç numrit të shtuar të viktimave nga raportimi i fundit, edhe numri i të lënduarve ka shkuar në 53.

Ende nuk dihet shkaku i shpërthimit që ndodhi në rrugën “Istiklal” të lagjes Beyoglu, ndërsa dyshohet për sulm terrorist, raporton CNN-i turk.