Plagoset një person me armë zjarri në Podujevë

Dy persona kanë plagosur me armë zjarri një burrë në Podujevë.

Pas aktit, viktima është dërguar për trajtim mjekësor në QKUK.

Në vendin e ngjarjes është konfiskuar një pistoletë me pesë fishekë, dy gëzhoja dhe rreth 7.1 gramë substancë narkotike e llojit marihuanë.

Të dyshuarit janë arratisur, ndërsa rasti është duke u hetuar ka bërë të ditur policia.

Raporti i plotë:

“Podujevë 03.06.2023 – 00:53. Viktima mashkull kosovar, është dërguar në QKUK për tretman mjekësor, pasi që është plagosur me armë zjarri nga dy të dyshuar meshkuj kosovar. Në vendin e ngjarjes është konfiskuar një pistoletë me pesë fishekë, dy gëzhoja dhe rreth 7.1 gramë substancë narkotike e llojit marihuanë. Të dyshuarit gjenden në arrati. Rasti është duke u hetuar”.