Aksident i rëndë në Gllarevë, pesë të lënduar

Pesë persona janë lënduar si pasojë e një aksident që ka ndodhur në fshatin Gllarevë të Klinës.

Në aksident ishin të përfshira dy vetura.

Kështu tha për Klankosova.tv Fadil Gashi, zëdhënës i policisë për rajonin e Pejës.

“Rreth orës 18:52, policia ka pranuar informatën se në fshatin Gllarevë ka ndodhur një aksident mes dy veturave. Pesë persona kanë pësuar lëndime trupore. Fillimisht janë dërguar për trajtim në QKMF në Klinë e më pas edhe në spitalin rajonal në Pejë. Katër persona janë liruar në shtëpi, njëri po trajtohet ende”, tha Gashi.