Edhe hapi i dytë kalon me sukses, Kosova veç pesë hapa deri në liberalizimin e vizave

Instituti EPIK ka treguar për hapat që kanë mbetur në procesin e liberalizimit të vizave për Kosovën.

Pas votimit të sotëm nga ana e Komisionit për Drejtat Civile, Drejtësi dhe Punët e Brendshme (LIBE) të Parlamentit Evropian, EPIK ka bërë me dije se në këtë proces kanë mbetur edhe pesë hapa.

Hapi i radhës është seanca e PE-së, e cila do të mbahet bë muajin prill dhe ku pritet të miratohet plotësim-ndryshimi i Rregullores 2018-1806.

Më pas, në muajin maj pritet të ndodh ceremonia e nënshkrimit, kurse gjatë muajve maj-qershor pritet publikimi i rregullores në Gazetën Zyrtare të BE-së.

Sipas institutit, 20 ditë pas publikimi në gazetë zyrtare rregullorja hynë në fuqi.

Ndërsa, lëvizja e lirë në zonën Shengen pritet të ndodh nga janari i vitit 2024.