Vritet një person dhe plagosen dy të tjerë në Prishtinë, policia jep detaje

Një person është vrarë në lagjen Dragodan të kryeqytetit. Këtë për Paparaci e ka konfirmuar policia e Kosovës.

Sipas informatave të para, rreth orës 13:20 policia ka marrë informacionin për të shtëna më armë në një hotel në Dragodan.

Policia me njësite ka dalë në vendin e ngjarjes së bashku me ekipin mjekësor ku është konstatuar vdekja e një personi pas plagëve të marra nga arma e zjarrit.

Në vendngjarje gjithashtu janë dy persona të plagosur me mjet të mprehtë dhe janë dërguar për tretman mjekësor.

Aktualisht hetuesit policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë ngjarje.