Babai e kap ‘mat’ vajzën e mitur në dhomë me një djalë, i çon të dy në Polici

Vajzat e mitura vazhdojnë të jenë viktima të ngacmimeve, sulmeve e dhunës seksuale. E të dyshuarit në shumë raste janë persona të cilët ndonëse janë në dijeni për moshën minorene të viktimave, krijojnë lidhje dashurie dhe intime me to, raporton Gazeta Sinjali.

Një person në Prishtinë ka dërguar në stacion policor vajzën e tij të mitur, pasi të njëjtën e gjeti në dhomë me një djalë, po ashtu të mitur.

Burimet e Gazetës Sinjali kanë bërë me dije se babai i ka gjetur 14-vjeçaren me të dashurin e saj në dhomën e këtij të fundit dhe për shkak të dyshimeve se ata kanë mundur të kryejnë marrëdhënie seksuale, ka kërkuar ndihmën e Policisë.

Por këtë e kanë mohuar të miturit, të cilët kanë deklaruar se nuk kanë kryer marrëdhënie seksuale bashkë.

Në kuadër të veprimeve hetimore, vajza e mitur është dërguar për ekzaminime mjekësore gjinekologjike, ndërsa i dyshuari është arrestuar.

Me urdhër të prokurorit, ndaj 17-vjeçarit është iniciuar rasti ‘Sulm seksual’ dhe i njëjti është dërguar në mbajtje.