Sindikata e shqetësuar për policët e bllokuar në veri: Ju rrezikohet shëndeti dhe jeta

Sindikata e Policisë së Kosovës ka ngritur shqetësimin se policët e Kosovës që nëntë ditë kanë mbetur të bllokuar në Leposaviq dhe Jarinjë, atje ku janë vendosur barrikadat nga grupet kriminale serbe.

Për këtë ka folur Imer Zeqiri nga kjo sindikatë.

Ai ka thënë se shqetësimi i tyre dhe i menaxhmentit policor për kolegët atje është jashtëzakonisht i madh.

Zeqiri ka shtuar se në këto rrethana ata e kanë të rrezikuar shëndetin dhe jetën, për shkak të kushteve të krijuara, por edhe për shkak të ambientit në të cilin qëndrojnë ata.