E dhimbshme: 52-vjeçari gjendet pa shenja jete në Malishevë, Policia nis hetimet
Një ngjarje e rëndë ka ndodhur mëngjesin e sotëm në fshatin Bellanicë të Malishevës, ku një person është gjetur pa shenja jete në afërsi të një lokali, raporton Gazeta Sinjali.
Sinjali mëson se viktima është Hysen Zogaj, 52-vjeçar.
Burimet e Gazetës Sinjali brenda Emergjencës kanë bërë me dije se kanë pranuar thirrje për ndihmë, pasi 52-vjeçari ishte gjetur pa ndjenja dhe dyshohej se ishte në rrezik për jetën.
Ekipi mjekësor i Emergjencës ka dalë menjëherë në vendin e ngjarjes, ku pas ekzaminimeve për shenjat vitale, mjeku ka konstatuar vdekjen e viktimës.
Lidhur me rastin është njoftuar edhe Policia e Kosovës, të cilët kanë dalë në vendin e ngjarjes për të kryer ekzaminimet e nevojshme që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Hetim i vdekjes’ dhe trupi i pajetë i viktimës është dërguar në Institutin e Mjekësisë Ligjore për obduksion.
