Sqarohet Qeveria/ Në 100 eurot shtesë të Kurtit përfshihen të gjithë pensionistët, edhe veteranët e UÇK-së

Ditë më parë, Qeveria e Kosovës, e udhëhequr nga kryeministri Albin Kurti, ndau 100 euro shtesë për pensionistët dhe fëmijët.

Në kuadër të ndarjes së 100 eurove të pensionistëve përfshihen të gjitha kategoritë që marrin pensione të çfarëdollojshme nga buxheti i Kosovës.

Pra 100 euro shtesë do të jenë edhe për veteranët e UÇK-së. Në një përgjigje për Nacionalen, Përparim Kryeziu, tregoi se 100 euro shtesë do t’u ndahen të gjithë pensionistëve.

“Po, për krejt pensionmarrësit” – ishte përgjigja e zëdhënësit të Qeverisë së Kosovës për Nacionalen.