E kishte të ndaluar vozitjen deri më 2041 për shkak të 150 gjobave, shoferi kapet nga policia dhe i shqiptohet edhe një prej 300 eurosh
Policia e Kosovës ditë më parë ka ndaluar në Veterrnik një person i cili kishte ndalesë deri në vitin 2041 për drejtim të mjetit motorik, shkruan Reporteri.net.
I njëjti kur dhe e kishte ndaluar policia, po zhvillonte shpejtësi 130 km/h në zonën 80 km/h.
Në njoftimin e policisë bëhet e ditur se personi në fjalë ka edhe 150 gjoba për kundërvajtje të ndryshme, derisa i kanë shqiptuar dhe një tjetër në vlerë 300 euro.
Njoftimi i policisë:
Drejtimi i mjetit gjatë kohës së masës mbrojtëse “ndalim drejtimi i mjetit me veprim motorik”!
Njësia për Kontroll të Autostradave në zonën ku kufizimi i shpejtësisë është 80 km/h ka identifikuar shoferin duke drejtuar mjetin me shpejtësi 130km/h, mirëpo pas verifikimit i njëjti rezulton se ka ndalesë në drejtimin e mjetit me veprim motorik deri në vitin 2041 si dhe ka 150 gjoba për kundërvajtje të ndryshme, i njëjti është larguar nga trafiku dhe është gjobitur me 300€ si dhe i është vazhduar masa mbrojtëse sipas ligjit.
