Rast i rëndë në Prishtinë: Një person i jep fund jetës, Policia gjen armën në vendin e ngjarjes
Një ngjarje e rëndë ka ndodhur mbrëmë në një familje në Prishtinë, ku një person është gjetur pa shenja jete dhe sipas informacioneve të para dyshohet se ka kryer vetëvrasje. Hetimet tashmë kanë nisur për rastin, ndërkohë që trupi i pajetë është dërguar IML
Rasti është konfirmuar edhe nga Policia, me ç’rast u bë e ditur se vdekjen e viktimës e ka konstatuar ekipi mjekësor.
Sipas Policisë, në vendin e ngjarjes është gjetur dhe sekuestruar një armë – me të cilën i ndjeri dyshohet se i ka dhënë fund jetës.
“Është gjetur i vdekur në shtëpinë e tij viktima mashkull kosovar dhe një armë afër tij me të cilën dyshohet se është kryer vetëvrasja. Vdekjen e tij e ka konstatuar ekipi mjekësor në vendin e ngjarjes. Me vendim të prokurorit trupi i pa jetë është dërguar në IML për obduksion.”
Sinjali
