Tre burra paraqiten si inspektorë të Policisë së Kosovës, kapen në flagrancë

Policia ka arrestuar dje tre persona në Prizren, pasi të njëjtit janë paraqitur si inspektorë të Policisë së Kosovës.

Lajmin e arrestimit të tyre e ka konfimruar policia prizrenase.

“Me datë 15/11/2023 , rreth ores 19:00, janë identifikuar dhe janë arrestuar tre të dyshuar pasi kanë shkuar në njërin prej fabrikave të qytetit të Prizrenit kinse për të nxjerrë një borxhe, të njëjtit janë prezantuar se janë pjesëtaret e Inspektoratit të Policisë së Kosovës, konkretisht janë prezantuar në emër të një zyrtari të lartë të Inspektoratit”, thuhet në njoftimin e Policisë.

“Pas pranimit të informatës, hetuesit e Sektorit Rajonale të Hetimeve të Prizrenit kane dale ne vend ngjarjes dhe pas mbledhjes së provave dhe dëshmive të nevojshme është kuptuar se të njëjtit nuk janë pjesëtaret e Inspektoratit të Policisë së Kosovës, por janë persona te cilët kane keqpërdor emrin e tyre”.

Të njëjtit janë intervistuar në prani të avokateve dhe kane pranuar veprën.

Me urdhër të Prokurorit Kujdestar nga Departamenti i Përgjithshëm dy të dyshuarit ndalohen në ndalim policor për 48 orëve, kurse i dyshuari i tret shkon në procedurë të rregullt.