49% e kontributdhënësve do të mund të tërhiqnin nga Trusti mesatarisht nga 96.5 euro
GAP ka publikuar të enjten hulumtimin për ndikimin e tërheqjes eventuale të kursimeve pensionale, ku ka konstatuar se Trusti do të shpërndante rreth 594 milionë euro apo çerekun e mjeteve që ka nën menaxhim.
Sipas GAP-it, injektimi i 594 milionë eurove në treg do të rëndonte edhe më tej situatën me çmime. Rënia në tregjet ndërkombëtare ka bërë që të bie edhe çmimi për njësi i aksioneve të Trustit.
695.523 qytetarë do të mund të tërhiqnin kursimet e tyre, siç ka njoftuar GAP-i, dhe rreth 90.4 për qind e të gjithë kontributdhënësve do të mund të tërheqin shumicën e fondit prej 594 milionë euro (rreth 58% apo 345.8 milionë euro).
GAP-i ka theksuar se rikuperimi i mjeteve do të merrte tetë vjet kohë, si dhe shterrja e kursimeve pensionale në moshën e pensionimit do të shkurtohej për 2.2 vjet.
